«Мен туралы бәрі» – «Бала эмоциясын түсініп, қолдау жолдары»

Баланың эмоциясы – оның ішкі дүниесінің айнасы. Баланың қуану, ренжу, қорқу, уайымдау, ашулану сияқты сезімдері оның дамуының табиғи бөлігі болып табылады. Баланың эмоциясын түсіну – оның жан дүниесін сезініп, қауіпсіз, сенімді орта қалыптастыру деген сөз. Егер ересек адам баланың сезімін елемей, «жылама», «ештеңе болған жоқ» деген сөздермен басып тастаса, бала өз эмоциясын білдіруден бас тартуы мүмкін.

 Бала эмоциясын түсінудің маңызы

• Бала өзін түсінілген әрі қорғалған сезінеді;

• Ішкі уайымын бөлісуді үйренеді;

• Өзін-өзі реттеу дағдылары дамиды;

• Сенімді қарым-қатынас қалыптасады.
  
  Қолдау көрсету жолдары

1. Эмоциясын қабылдау және атау
   «Сен ренжіп тұр екенсің», «Қорқып қалдың ба?» деп сезімін анықтап айту – баланы түсінгеніңіздің белгісі.

2. Тыңдап, көңіл бөлу
   Баланың айтқанын бөлмей тыңдау, көзқарасына құрметпен қарау маңызды.

3. Жағымды қолдау көрсету
   Жылы сөз, құшақтау, еркелету – эмоционалдық қауіпсіздік береді.

4. Эмоцияны дұрыс білдіруге үйрету
   «Ашу – жаман емес, бірақ оны біреуге зиян келтірмей айту керек» деп түсіндіру.

5. Өзіңіз үлгі болыңыз
   Өз эмоцияңызды мәдениетті түрде жеткізу арқылы балаға үлгі боласыз.

6. Ойын, сурет, әңгіме арқылы эмоцияны шығару
   Бұл – баланың ішкі сезімін жеңілдетудің тиімді жолы.

 Қорытынды

Бала эмоциясын түсіну – тәрбиенің маңызды бөлігі. Эмоциясы ескерілген, қолдау көрген бала өзін сенімді ұстайды, ашық, мейірімді, қабілетті тұлға болып қалыптасады. Ересектердің басты міндеті – баланың сезіміне құрметпен қарап, әр эмоциясына түсіністік таныту.